गाण्याचा क्लास नको ना आई
नाचाच्या क्लासची कशाला घाई
झाडावर पक्षी गात असतात
त्यांना कुठे क्लास असतात
नुसती शाळा बास बाई
गाण्याचा क्लास नको ना आई
ढग मजेत फिरत असतात
रंगांबरोबर नाच करतात
त्यांचं काही अडत नाही
नाचाच्या क्लासची कशाला घाई ?
कोणताच क्लास नसेल तर
खेळता येईल घरभर
घाई गडबड उडणार नाही
क्लासची भानगड नको ना आई
नाचत गात खेळत राहीन
अभ्यास करून मोठी होईन
तोवर थोडं थांब ना आई
मोठं व्हायची कशाला घाई ?
***
No comments:
Post a Comment